Cabrito asado
Servings 1 persona
Ingredients
- 10 g Aceite de oliva
- 5 g Allo
- 1 g Azafrán
- 160 g Cabrito
- 40 g Cebola
- 40 g Limón
- 120 g Pataca
- 1 g Perexil
- 0.5 g Sal
- 60 g Viño branco
Instructions
- Prepárase un adobo nun morteiro co zume de limón, o perexil, o azafrán, o viño branco, o allo e un chisco de sal. Esténdese ben untándoo sobre o cabrito e déixase macerar un día enteiro na neveira. Ao día seguinte, dóuranse as cebolas partidas ao medio e engádese o cabrito torado nunha tixola cun chorro de aceite. Pásase o cabrito, o aceite sen as cebolas e o adobo a unha cazola de barro e engádense as patacas novas e métese no forno quente. Cocíñase a lume medio.
Notes
Este prato xa se consumía antigamente e hoxe en día. En moitos casos consómese en celebracións moi sinaladas en Galicia. Nas casas campesiñas era tan apreciado que se vendía vivo en lugar de consumilo. A mellor época do ano para o consumo de cabrito considérase que é a principios da primavera, xa que a carne nese momento é máis saborosa. A carne de cabrito considérase magra xa que o seu contido en graxa é baixo, e a súa contribución de calorías non difire moito da carne de porco ou de vacún. Destaca a súa cantidade de ferro que intervén na formación dos glóbulos vermellos e o transporte de osíxeno en sangue, como así tamén na actividade encimática do organismo. Tamén contén fósforo que axuda en casos de osteoporose, mantemento da función celular, axeitado transporte de nutrientes celulares. Axuda, polo tanto, o rendemento físico e intelectual. Destaca tamén o potasio que participa no mecanismo de contracción e relaxación dos músculos.